--Ads--
BAGUIO CITY – Nasurok 1,700 a pidaso ti nagduduma a klase ti palibang ken pailaw ti kinumpiskar dagiti otoridad manipud iti nagduduma a paset ti Baguio City iti panagngudo ti 2017.
Sigun iti City Intelligence Unit (CIU) ti Baguio City Police Office, aggatad dagiti nasao a palibang ken pailaw iti nasurok P20,000.
Karaman iti daytoy ti agarup 1,500 a pidaso ti five star, 80 pidaso ti ten star, 10 a karton ti piccolo, nasurok 50 pidaso ti lusis, sparklers, silver diamond, judas belt ken dadduma pay.
Nakemmeg met ti maysa nga indibidual a nakaimet ti nagduduma a klase ti maipawil a palibang sadiay Middle Quezon Hill.
Naiturong dagiti nakumpiskar a pyrotechnic devices iti operation branch ti CIU para iti inventory ken consolidation.
