Nasurok 180 a pannakabagi manipod iti nagduduma a barangay iti siudad ti Baguio ti nakipaset iti maika-3 a Pansa-nopen Tayo Barangay-to-Barangay Learning Session a naisayangkat idi Hulio 31, 2026 iti DENR Training Centre, Gibraltar, Baguio City.
Indauloan iti City Planning, Development and Sustainability Office (CPDSO) ti aktibidad karaman ti United Nations Development Programme (UNDP), Global Gateway, European Union (EU), Liga ng mga Barangay–Baguio City Chapter, ken Department of the Interior and Local Government–Baguio.
Nakapokus ti learning seassion iti panangital-o iti organics circularity ken nasayaat a panangimanehar iti basura babaen iti panagsarita seknan iti composting ken dagiti baro a teknolohiya iti panangiproseso iti organic waste.
Imbinglay ni Dr. Marjorie Balay-as iti UNDP ti maipapan iti EU-PH Green Economy Partnership Framework for Organics Circularity, bayat a tinalatntan met ni Patrick Carl Darato iti City Veterinary and Agriculture dagiti basaran iti pannakaamo iti composting.
Naipaam-ammo metlaeng kadagiti nakipaset ti nagduduma a wagas a kas iti Composting, practical composting practices, at Black Soldier Fly Technology a mabalin nga aramaten dagiti komunidad iti panangimanehar kadagiti organice waste dagitoy.
Sigun iti CPDSO, panggep iti programa a papigsaen ti kabaelan dagiti barangat iti panangipatungpal iti circular economy babaen iti panangipaay iti praktikal a pannakaamo ken teknolohiya a makatulong iti panangaywan iti aglawlaw.
