BAGUIO CITY – Nagnegatibo iti naipatungpal nga random drug testing ti 241 nga pulis ti Police Regional Office Cordillera (PROCOR).
![](https://img.bomboradyo.com/baguio/2021/07/95945567_1382170075288219_112871036164243456_n.jpg)
Maibasar iti report, karaman ditoy ti 143 nga personnel ti Provincial Mobile Force Company (PMFC) ken 31 nga personnel ti Drug Enforcement Unit ti Benguet Police Provincial Office.
Dumanon met iti 29 nga personnel ti manipod iti Abra Police Provincial Office; 20 iti Mt. Province PPO ken 18 iti Apayao PPO.
Amin ti urine specimens a nakolektar kadagitoy ket nag-negatibo iti iligal a droga partikular ti shabu ken marijuana iti naipatungpal a random drug testing idi Mayo 17, 2022.
Maipalagip a regular ti maipatpatungpal nga unannounced ken random drug testing kadagiti PNP personnel kas paset ti Internal Cleansing Program ti ahensia a mangsukimat nu karaman iti aniaman nga klase ti panagaramat ti iligal a droga dagiti personnel dagitoy.