Naapektaran dagiti nasurok 3 million nga estudyante manipud kadagiti sangapulo ket uppat a rehiyon iti Pilipinas kalpasan ti pannakasuspindir ti in-person classes gapu iti nakaro a kinabara ti panawen.
Maibasar iti datos manipud iti Department of Education (DepEd) agarup 5,288 a pagadalan iti Pilipinas ti nangideklara iti alternative delivery modes kas ti online classes ken modular learning.
Kabayatanna, nagpalagip ti Department of Education (DepEd) kadagiti pagadalan ken kadagiti local government units nga addaan dagitoy iti otoridad a mangideklara wenno mangsuspindir iti klase apaman a makapasar dagitoy iti nakaro a heat index.
Innayon pay ti nasao a departamento a nasken a kitaen dagiti pagsaayatan dagiti estudyante pakairamanan dagiti manursuro.
