--Ads--
BAGUIO CITY – Pakabuklanen a 4,837 nga estudyante iti Cordillera ti nakaawaten iti educational assistance manipud DSWD idi Agosto 20 ken Agosto 27.
Daytoy ket kalpasan a naipaayan iti nasao a tulong pinansiyal dagiti 3,517 nga estudyante idi kalman.
Manipud iti pakabuklan a bilang, 951 a benepisyaryo ti immawaten sadiay Abra, 496 sadiay Apayao, 756 sadiay Benguet, 703 sadiay Ifugao, 501 sadiay Kalinga, 377 sadiay Mt Province ken 1,063 iti DSWD Field Office.
Kabayatanna, dumanon metten iti nasurok P9.7 million a pondo ti naipaluspos para iti nasao a programa.
Manamnama a manayonan pay daytoy gaputa maipatungpal ti kanayonan a pay-out inton Setyembre 3, Setyembre 10, setyembre 17 ken Setyembre 24.
