Kinumpirmar ti Philippine National Police-National Capital Region Police Office (PNP-NCRPO) a dumanon iti nasurok 6,000 a police offficers ti maiwaras iti masakupan ti Senado intun bigat, Hulio 06, 2026 para iti umuna nga aldaw ti impeachment trial ni Vice President Sara Duterte.
Sigun kenni PNP-NCRPO spokesperson Police Major Hazel Asilo, namnamaenda nga adu ti agprotesta iti sangwanan ti Senate building.
Maysa a grupo ti agpampanggep nga agmarcha a paturong iti pasdek ti Senado isu’t gapuna a nanayunan dagiti maiwaras a personel.
Kabayatanna, idagdagadag ni Police Major Asilo kadagiti pakipaset iti protesta a surutenda dagiti legal procedures.
Inyunay-unay ti opisial nga iti kanito a padasen dagiti agprotesta a sumrek iti asideg ti masakupan ti Senado, iyemplementar dagiti otoridad ti miximum tolerance ken ipangpangrunada ti dialogo ken negosasion babaen kadagiti naituding a team.
Agtalinaed met a nakasagana dagiti public order units no kasapulan.
Agrugi ti impeachment trial ni VP Sara Duterte iti 2 p.m intun Lunes ken inisyal a maisayangkat manipud iti Lunes agingga Mierkules.
Maipatungpal daytoy agingga iti maika-lima nga State of the Nation Address (SONA) ni President Ferdinand Marcos Jr. intun July 27.
Kalpasan ti SONA, maiyakar ti impeachment trial iti Martes agingga Huebes iti oras ti 2:00 pm.
