BAGUIO CITY – Dumanon iti nasurok P11 million a pakabuklan a gatad ti marijuana ti pinarut, dinadael ken kinumpiskar ti nagtitipon a pwersa ti PDEA – Cordillera, PDEA Region 1, Sugpon PNP ken dadduma a unit ti pulisya iti dua nga aldaw a marijuana eradication dagitoy.
Iti ekslusibo a panakiuman ti Bombo Radyo kenni Atty. Joseph Frederick Calulut, public information officer ti PDEA – Cordillera, kinunana a naipatungpal ti operasyon iti pito a marijuana plantation sites iti Mt. Baukok ken Mt. Natiktikan a karaman iti pagin-inagawan ti Kibungan, Benguet ken Sugpon, Ilocos Sur.
Nangitunda ti operasyon iti panakaparut ken panaka-uram ti nasurok P5.2 million a gatad ti fully-grown marijuana plants ken dadduma a paraphernalia para iti cultivation ken maintenance dagiti seedlings wenno semilia ti nasao a mula.
Nakakumpiskarda pay iti 50,000 a gramo ti napagango a marijuana nga aggatad iti nasurok P6.2 million.
Dinakamat ni Atty. Calulut a ti nasao a disso ket sigud a marijuana plantation a nangipatpatungpalanda metlaeng iti eradication kadagiti napalpalabas a tawen.
Awan met ti nakemmeg dagitoy a cultivator bayat ti nasao nga operasyon.
————— Filipino translation ————-
BAGUIO CITY-Mas pinaigting pa ng Philippine Drug Enforcement Agency (PDEA) ang kampanya laban sa ipinagbabawal na gamot.
Tinatayang aabot sa mahigit P11-Million ang kabuoang halaga ng mga marijuana na kinumpiska at sinunog ng naghalong pwersa ng nga kinauukulan sa pagitan ng Kibungan, Benguet at Sugpon, Ilocos Sur.
Sa panayam ng Bombo Radyo kay Atty. Joseph Frederick Calulut, public information officer ng PDEA-Cordillera, sinabi niya na isinagawa ang marijuana eradication sa pitong plantation sites sa Mt. Baukok at Mt. Natiktikan.
Aniya, nagresulta ito sa pagkakabunot at pagkakasunog ng P5.2 million halaga ng mga fully-grown marijuana.
Natagpuan din ng mga awtoridad ang iba’t-ibang paraphernalia para sa pagtatanim at pangangala sa mga seedlings ng marijuana.
Maliban dito, nakumpiska rin ang mahigit 50,000 gramo ng napatuyong dahon ng marijuana na nagkakahalaga ng halos P6.2 million.
Ayon kay Calulut, dati ng marijuana plantation ang mga nasabing bundok at nakapagsagawa na rin sila ng mga operasyon doon.
Nagpapatuloy naman ang imbestigasyon ng PDEA-Cordillera, PDEA-Region 1 at Sugpon-PNP para sa pagkakakilanlan ng mga cultivator sa mga nasabing marijuana plantation.
