LA TRINIDAD, BENGUET – Nakumpiskar ti nasurok P3.7-million ti gatadna a dried marijuana manipud iti dua nga indibidual sadiay Strawberry Farm, Brgy. Betag, La Trinidad, Benguet ita laeng nga aldaw, Mayo 2.
Nabigbig dagiti suspek a ni alyas Vis Lee, 26-anyos ken ti 21-anyos a kadwa-na, agpada a mannalon ken residente ti Sitio Bakbakan, Barangay Poblacion, Kibungan, Benguet.
Dumanon iti tallo pulo ket maysa a pidaso ti dried marijuana leaves nga addaan ti stalks ken fruiting tops ti naala manipud kadakuada nga agbalor iti P3,720,000.
Nakumpiskar metlaeng kadakuada ti P630-K a boodle money, P2,500 assorted bills ken daduma pay nga ebidensiya.
Sumango dagitoy iti kaso a panaglabsing iti Republic Act 9165 wenno ti Comprehensive Dangerous Drugs Act of 2002.
