--Ads--
BAGUIO CITY – Nauram ti nasurok P5-M a gatad ti marijuana kalpasan a naparut dagitoy sadiay Loccong, Tinglayan, Kalinga idi kanikadua.
Nasarakan dagitoy iti lima a marijuana plantation sites iti nasao a munisipyo nga addaan iti kalawa a mapattapatta a 2,550 square meters.
Pakabuklan a 19,450 a pidaso ti fully grown marijuana plants ken lima a 5 kilo ti marijuana stalks nga aggatad amin iti P5,140,000 ti nadadael.
Resulta daytoy ti nairtengan a marijuana eradication operations dagiti operatiba ti Philippine Drug Enforcement Agency-Cordillera ken dagiti pulis sadiay Kalinga.
Nauram met ti sumagmamano kadagiti nasao a marijuana iti naangay a ceremonial burning nga indauluan ni PC Supt. Rolando Nana, Regional Director ti Cordillera PNP.
