--Ads--
BAGUIO CITY – Sumango dagiti dua a menor de edad nga estudyante iti kaso a panaglabsing iti RA 9165 wenno ti Comprehensive Dangerous Drugs Act of 2002 kalpasan a ginandatda a mangibiyahe ti marijuana leaves sadiay Lubuagan, Kalinga itay agsapa.
Agtawen dagiti suspek iti 17-anyos, residente ti Tabuk City ken nabigbigda kas kabarbaro a drug personalities.
Sigun iti inisyal a report, natiliw dagiti suspek kalpasan a ginandatda nga aglibas iti checkpoint sadiay Barangay Dangoy, Lubuagan.
Nakumpiskar manipud kadakuada ti semi-tubular form ti dried Marijuana leaves ken stalks nga agdagsen ti agarup 570 a gramo nga aggatad ti P68,400.
Naiturong dagiti ebidensiya ken dagiti nakemmeg a suspek iti kustodiya ti pulisya.//Cara Sacyaten
