Tampok iti agdama dagiti presko ken dekalidad a nateng manipod iti kabambantayan iti maipatpatungpal nga Ang Sarap! Philippine Food Festival iti One Ayala Mall idiay Makati City a nangrugi ita nga aldaw agingga Abril 28, 2026.
Karaman kadagiti nakipaset ket ti Green Express Farmers Association manipod iti Bato Tabio, Mankayan, Benguet a mangibagbagi iti Cordillera Administrative Region (CAR).
Impannakkel metlaeng iti grupo ti nangato a kalidad ti apit ken ti kinagaget ken dedikasion dagiti mannalon iti rehion.
Sigun kadagiti organizer, panggep ti piesta nga ipakita ti kinabaknang ken panagduduma dagiti produkto a lokal a taraon iti pagilian.
Nasurok 49 nga exhibitors ti nakipaset tapno rambakan ti luto dagiti Pilipino iti sidong iti tema a “Kalutong Filipino, Lakas ng Kabataang Makabago.”
Ti nasao a programa ket indauloan iti Philippine Culinary Heritage Movement, kadua ti Department of Tourism, National Commission for Culture and the Arts, ken Department of Agriculture.
Maguygoyugoy met ti publiko a suportaran dagiti lokal a mannalon babaen iti panaggatang kadagiti produktoda a maidiadiaya iti nasao a piesta.
