--Ads--
Pimmusay ti beterana actress a ni Nora Aunor iti tawenna a pito pulo ket maysa.
Kinumpirmar daytoy ti pamilyana idi April 16,2025, no sadino pimmusay daytoy sadiay The Medical City, Pasig City.
Nupay kasta, saanda nga impakaamo ti rason ti ipupusay daytoy.
Maipalagip a naiyanak ni Nora wenno iti pudpudno a naganna a Nora Cabaltera Villamayor idi Mayo 21, 1953 sadiay Camarines Sur.
Nangrugi ti karerana kalpasan a nagkampeon daytoy iti Tawag ng Tanghalan idi 1967.
Ti nasao nga artista ket nabigbig metlaeng kas agmaymaysa nga superstar ti Philippine entertainment industry ken napadayawan kas National Artist for Film and Broadcast Arts.
