Silulukat itan ti National ID registration kadagiti ubbing nga agtawen ti nababbaba pay ngem ti maysa a tawen, sigun ti Philippine Statistics Authority (PSA).
Inyunay-unay ti nasao nga ahensia kadagiti nagannak wenno guardian nga agaplikar para iti “registration” a nasken a nakarehistron iti National ID system, gaputa ti National ID Number ti ubing ket maisilpo iti National ID Number dagiti nataengan.
Dagiti met nagannak wenno guardians a kasapulan nga agparehistro para iti National ID, ket mabalin nga iti aniaman a PSA registration center kaduada dagiti ubbing.
Dagiti agaplikar ket rumbeng nga addaan ti “supporting documents” a kas ti Certificate of Live Birth nga impaay ti PSA wenno ti Local Civil Registry Office (LCRO), Report of Birth nga impaay ti PSA wenno ti Philippine Foreign Service Post (PFSP), Certificate of Foundling wenno Certificate of Live Birth wenno Persons with No Known Parent/s nga impaay ti PSA, Municipal Form No. 102 nga impaay ti Local Civil Registry Office, Philippine Passport wenno ePassport nga impaay ti Department of Foreign Affairs (DFA), ken aniaman a dokumento a mangipakita ti nagan ti ubing, petsa ken lugar iti nakaiyanakanna, nagan ti ina ken ama.
