BAGUIO CITY – Iyusuat ti Department of Education – Cordillera ti National Learning Camp para kadagiti estudyante inton Hulyo 1 agingga Hulyo disi-nuebe.
Panggep ti programa nga agpataud ti napintas nga atmospera babaen iti nagduduma nga aktibidad tapno maipaay ti interes dagiti learners, socio-emotional a paglaingan, personal development ken character development.
Iti nasao nga aktibidad, mabalin nga ag-enroll dagiti ubbing a nakapoy ti panagbasa-na, panagbilang ken performance-na iti uneg ti pagadalan.
Malaksid iti dayta, panggep dagiti mannursuro a mapasayaat ti akademik dagiti estudyante babaen iti panangtaming kadagiti indibidual a kasapulan dagitoy ken panangipaay kadagiti effective interventions.
Panggep pay ti national learning camp intervention a matulongan dagiti estudiante a mangparmek kadagiti academic challenges ken mangpasayaat iti kasasaad ti edukasyon iti pagilian.
