Inakusaran ti Pilipinas ita nga aldaw ti immuna nga statement ti Chinese Coast Guard (CCG) seknan iti panangipatungpal ti CCG ti saan a nainkalintegan ken agresibo a panagmaniobra dagitoy idiay West Philippine Sea a nakaitundaan ti panagbinangga ken pannakadadael ti dua a barko ti Philippine Coast Guard (PCG).
Sigun iti National Task Force for the West Philippines Sea (NTF-WPS) nga imbinglay ni PCG spokesperson for the WPS Commodore Jay Tarriela ita nga aldaw, ti China Coast Guard vessel ti bimangga iti barko ti Philippine Coast Guard gapu iti iligal ken napeggada a tignay ti benneg ti China bayat a paturong dagiti barko ti Pilipinas idiay Patag ken Lawak islands iti West Philippine Sea.
Kabayatanna, iti baet ti saritaan seknan iti “de-escalation” iti nagbaetan ti China ken Pilipinas, agtultuloy latta ti tension iti West Philippine Sea nu sadinno, ikalkalinegan latta ti China a kukuada amin a paset ti South China Sea (SCS).
