--Ads--
BAGUIO CITY – Mangisayangkat ti Bureau of Internal Revenue (BIR) iti nationwide reading kadagiti point-of-sale (POS) ken Collection Reconciliation System (CRS) kadagiti dadakkel a pagtagilakuan.
Sigun kenni Arthuro Abenoja Jr., Revenue District Director ti BIR – Benguet, babaen iti daytoy ket ma-validate dagiti rekord ti business transaction dagiti pagtagilakuan.
Kinunana a ditoy metlaeng a maammuan no nagtulnog dagiti establisiemento kadagiti pagalagadan ken tapno maduktalan no pudpudno ti sales declaration wenno ti naideklara a napaglakuan dagitoy.
Kinuna pay ni Abenoja a sakbay a maipatungpal ti panagbasa kadagiti POS ken CRS machines ket maipasidong pay iti training-seminar dagiti empleyado ti BIR a mangisayangkat iti daytoy.
