Nagballaag ti National Commission on Indigenous Peoples (NCIP) Cordillera kontra iti maysa a grupo a mapapati a mangipapaay iti palso a titulo iti daga kadagiti indigenous people.
Iti maysa a public notice, nabigbig iti NCIP ti grupo kas “Lumad Katutubo (Independent People) Free and Independent People” a maibagbaga a mangiruruar iti maaw-awagan nga Original Certificates of Native Titles uray awan ti ligal nga otoridadda.
Sigun iti ahensia, awan ti kasta a klase a land patent iti sidong ti linteg.
Impetteng iti NCIP a saan a nasayaat nga ar-aramaten iti grupo ti Presidential Decree No. 1529 ken Indigenous Peoples’ Rights Act (IPRA) tapno maallilaw ti publiko, karaman ti mapapati a saan nga umno a proseso a kas iti Environmental Compliance Certificate at Free, Prior, and Informed Consent (FPIC).
Inlawlawag iti ahensia a ti NCIP laeng ti addaan iti mandato a bigbigen ti ancestral property rights babaen iti Certificates of Ancestral Domain Titles (CADT) ken Certificates of Ancestral Land Titles (CALT).
Ginuyugoy iti NCIP ti publiko a liklikan a makipagtransaksiyon iti grupo ken beripikaren paylaeng ti aniaman a land clami iti opisina wenno kadagiti otoridad.
