Pinirmaan ni President Ferdinand Marcos Jr. ti linteg a mang-reorganize ken mangsukat iti nagan ti National Economic and Development Authority (NEDA) iti Department of Economy, Planning, and Development (DEPDev).
Ti Economy, Planning, and Development Act wenno Republic Act No. 12145 ket pinirmaan ti presidente idi Huwebes.
Ti nasao a linteg ket addaan panggep a mangpapigsa iti mandato, kapasidad ken polisiya ti Department of Economy, Planning, and Development wenno ti sigud a NEDA.
Sigun kenni Socioeconomic Planning Secretary Arsenio Balisacan, ti panakabukel ti Department of Economy, Planning, and Development ket para iti panangpasigurado iti panangprogreso ti ekonomiya, ti panagbalin a resilient ken benificial daytoy kadagiti Pilipino.
Nagyaman met ni Balisacan kenni President Ferdinand Marcos Jr. iti nasao a baro a milestone wenno baro nga era iti nasao nga ahensya.
Gapu iti dayta, impasiguradoda ti panagbalin dagitoy a future-ready, well-coordinated, ken institutionally robust system a mangsuporta iti long term vison ti Pilipinas a “matatag, maginhawa, at panatag na buhay para sa lahat.”
Ti nasao a linteg ket agepektibo sangapulo ket lima nga aldaw kalpasan iti panakaipablaak daytoy iti Official Gazette wenno iti newspaper ti general circulation.
