--Ads--
BAGUIO CITY – Natiliw ti maysa a negosyante gapu iti panagimetna iti iligal a droga iti parking lot ti Botanical Garden ditoy siudad ti Baguio City idi kanikadua.
Nabigbig daytoy a ni Ruthgar Julizno Guinto Estepat, 29-anyos, residente ti Rimando Road, Aurora Hill, Baguio City.
Maibasar iti report, manarimaan ti panagpatrolya dagiti pulis iti deppaar ti Leonard Wood Road idi nakitada iti uneg ti nakaparada a lugan ti maatap a kontrabando.
Nakumpiskar iti lugan ti negosyante ti transparent pipe a naglaaon ti maatap a marijuana ken ti dua a botelya ti arak.
Iti agdama, sumangsangon ti nasao nga indibidual iti kaso a panaglabsing iti Comprehensive Dangerous Drugs Act of 2002.
