BAGUIO CITY – Nakemmeg ti maysa a negosyante ken ti dua a pagayamna iti buy-bust operation nga insayangkat dagiti otoridad iti maysa nga inn sadiay Gov. Pack Road, Baguio City idi kalman.
Nabigbig ti negosyante a ni Limel Nico San Pedro, 32-anyos bayat a nabigbig dagiti pagayamna a da Angeline Ventura, 40-anyos ken Charlene Avellanoza alyas Mae Valdez, 25-anyos, bin-ig a tubo ti Nueva Ecija ken residente ti Baguio City.
Nakumpiskar kadagitoy kabayatan ti operasyon ti maysa a pakete ti maatap a shabu nga agdagsen iti 2.5 grams.
Nakumpiskar metlaeng ti maysa a pakete ti maatap a shabu nga agdagsen iti 5 grams, maatap a marijuana nga agdagsen iti 3 grams ken nagduduma a drug paraphernalia a nakaparabaw iti lamisaan iti nasao nga inn.
Iberberipikar metlaeng ti pulisya no karaman ti nakemmeg a ni Avellanoza iti listaan ti Drug Intelligence Watchlist ti PDEA-Cordillera ken no sigud daytoy a miyembro ti PAGARE Drug Group. (-with Bombo Nikki Agsiweng|Bombo Brigitte Marcasi)
