SOUTH KOREA- Inakusaran iti South Korea ti North Korea idi kalman, Mayo 29, a nangipatulod iti dakkel a bilang dagiti balloon iti beddeng dagitoy nga addaan iti basura, pakairaman dagiti rugit ti tao ken dadduma pay.
Agarup sangagasut lima pullo a balloon ti nadiskobre ken nagdisso iti daga bayat a dadduma ti adda paylaeng iti tangatang ti naduktalan dagiti militar iti South Korea.
Kasaruno daytoy iti pakdaar iti Vice defense minister iti North Korea a maipatulod iti South Korea dagiti bunton ti basura a papel ket rugit kas sungbat kadagiti balloon nga ipatpatulod dagiti South Korean activits iti pagilian dagitoy, nga addaan ti surat, leaflets a mangkundinar iti Pyungyang ken dadduma pay.
Iti agdama, manarimaan ti panangsukimat ken panangdalus dagiti explosives ordnance unit ti militar ken chemical and biological warfare response team kadagiti nasao a balloon bayat a napakdaaran dagiti umili nga umadayoda ken ireportda kadagiti autoridad ti aniaman a makitada kadagiti nasao a banag.
