Nagpallawag ni Daryl Longid, dadaulo ti Public Order and Safety Division (POSD) babaen iti maysa a pablaakna iti social media account daytoy seknan iti viral video a panangkumpiska ti tagilako ken pannakatiliw ti lalaki a menor de edad nga ‘illegal peddler’ iti siudad.
Iti nasao a pablaak, inlawlawagna a ti nasao a peddler ket saan a manipud iti siudad nu diket manipud iti lowlands a nagturong iti siudad tapno ilegal nga agilako idiay Central Business District (CBD).
Innayonna a namin adun dagitoy a daras a nanglabsing iti linteg.
” They are all repeat offenders”, sigun iti pablaak ni Longid.
Inlawlawagna nga amin dagitoy ket maipapaayan iti warning ken konsiderasyon kas kadagiti dadduma metlaeng nga illegal peddlers.
Iti kaso ti nakemmeg nga illegal peddler iti maysa a viral post, inlawlawag ni Longid a nga apaman a makapanaw daytoy kalpasan iti panangsitada kadakuada, dagos manen daytoy nga agsubli iti nagpwestoanna.
“For the peddler in the viral post, he regularly outruns our enforcers with his goods in tow”, innayon daytoy.
Gapu iti dayta, tiniliwda ti nasao a lalaki nga adda iti viral post idi naaddaan ti gundaway dagiti enforcers.
Ginandat pay daytoy a tumaray kas iti sigud a pampamay-anna rason tapno ti lalake ken ti enforcer a nangtenngel kenkuana ket natumba ken naiwaris dagiti tagilakona ti lalake.
Impeksa pay ni Longid iti pablaak daytoy a kumarkaro latta ti illegal peddling iti siudad iti likod dagiti initiatiba dagitoy. Inlawlawagna pay a kadawyan kadagiti illegal peddlers ket saan a manipud iti siudad, dadduma kadagitoy nagapu pay Visayas.
Innayonna a gapu kadagitoy, maaabak dagiti legitimate vendors gapu ta direkta a kakompetensyada dagiti illegal peddlers.
“We are fighting a losing game. When we lose, our legitimate vendors lose”, sigun pay kenni Longid.
Malaksid iti dayta, awanan dagitoy iti permit ken saan dagitoy nga agbaybayad ti renta ken tax, saan a kasla kadagiti legitimate vendors. Iti udi ti pablaak ni Longid, inyebkasna nu kasapulan pay laeng nga ituloy ti panangipatungpal iti peddling policy iti siudad.
“Now tell me. Is Baguio City’s illegal peddling policy still worth implementing? Or shall we give it up?”. //Bombo Noveh Organo.
