Impakaammo ni Acting Budget Secretary Rolando Toledo mga adda ti agarop ₱4.5 billion a confidential ken intelligence funds ti Office of the President iti 2026 National Budget.
Sigun kenni Toledo, ti maawat ti opisina ti presidente ket paset ti pakabuklan nga ₱11.8 billion a nailatang a Confidential and Intelligence Funds (CIF) para ita a tawen a nababbaba ngem iti ₱12.1 billion idi 2025.
Inlawlawag met ni Executive Secretary Ralph Recto a ti nasao a pondo para iti Office of the President ket agtaltalinaed a transparent gapu ta direkta daytoy a mairepreport iti Kongreso a buklen iti Kamara ken Senado.
Ti confidential funds ket dagiti alokasyon iti national budget a para kadagiti confidential a paggastusan kas kadagiti surveillance activities kadagiti civilian government agencies.
Ti met Intelligence funds ket dagiti maar-aramat para iti intelligence activities wenno information gathering activities dagiti pwersa militar iti pagilian, dagiti uniformed personnel ken dagiti daduma pay nga intelligence agencies nga agserserbi para iti panakasigurado ti national security.
