Impetteng ni House lead prosecutor Gerville Luistro a kasapulan nga ilawlawag iti kampo ni Vice President Sara Duterte nu sadinno ti nakaipaayan iti confidential funds iti Office of the Vice President (OVP), aniaman ti kinapudno iti likudan dagiti nagan a nakadatag iti acknowledgment receipts.
Sigun kenni Lusitro, saan a ti panagaramat iti pudno a nagan wenno alyas ti kangrunaan nga isyu, nu diket nu napaneknekan a nakadanon iti lehitimo a recipients ti pondo wenno nasurot ti Joint Circular No. 2015-01.
Rimmuar ti isyu kalpasan a nangidatag ni prosecutor Lorna Kapunan kadagiti resibo nga adda iti nagan a kapada kadagiti opisial iti gobierno ken kadawyan a banag.
Kinuna ni Luistro nga adda dagiti certification manipod iti Philippine Statistics Authority (PSA) a mangipakpakita a saan nagparang iti records da ti sumagmamano a nagan a nakasurat iti resibo.
Kabayatanna, sigun iti COA witness a ni Xylene Del Campo, saan a mapatgan wenno maiparit iti Joint Circular No. 2015-01 ti panaragaramat iti alyas iti confidential fund transactions.
Kidkiddawen metlaeng ni Luistro a baliwan ken amyendaran dagiti agdama a pagalagadan iti confidential funds tapno masungbatan dagiti naimatangan a proseso iti panag-audit.
