--Ads--
Impangato iti Philippine Coast Guard ti rangko ni Olympian Nesthy Petecio manipod iti Petty Officer Second Class(PO2) iti Petty Officer First Class (PO1).
Indauloan ni Philippine Coast Guard Commandant Admiral Ronnie Gil Gavan ti seremonya a naangay idiay National Headquarters, Port Area, Manila idi laeng December 2.
Sigun iti admiral, ti promotion ket saan laeng a maysa a wagas ti panangbigbigda kenni Petecio iti panagballigi daytoy iti 2024 Paris Olympics nu di ket iti dedikasyon ken disiplina daytoy kas maysa a Coast Guardian.
Maipalagip a ni Petecio ket nakagun-od iti bronze a medalya naangay a 2024 Paris Olympics iti 57-kilogram boxing event.
