--Ads--
Pinaglibakan ti Office of the Ombudsman ti alegasyon a punteriada ti Senate minority bloc nga idadaulwan ni Senate minority Leader Allan Peter Cayetano.
Sigun kenni Ombudsman Jesus Crispin Remulla, saan nga agpayso dagiti alegasyon, nangruna ket kaadduan kadagiti naibalud nga opisial ket kaalyadoda idi un-una.
Inyunay-unay ni Remulla nga amin ket apektado ken awan ti mailaksid.
Maipalagip a naipila ti reklamo kontra kadagiti Senador a pakairamanan da Senator Alan Peter Cayetano, Senator Robin Padilla, pakairamanan ni sigud a Senate Sergeant-at-Arms Mao Aplasca.
Daytoy ket kalpasan ti panagtalaw ni Senator Ronald “Bato” Dela Rosa iti Senado iti baet ti arrest warrant kontra nga impaulog ti International Criminal Court (ICC) .
