![](https://img.bomboradyo.com/baguio/2020/02/stl.jpg)
BAGUIO CITY – Impaganetget ti Philippine Charity Sweeptakes Office (PCSO) a ligal ti operasion ti small town lottery (STL) iti siudad ti Baguio ken iti probinsia ti Benguet.
Sigun kenni Dr. Ernieli Pampuan-Dancel, branch manager ti PCSO-Benguet, ti Authorized Agent nga agipatungpal iti operasion ti STL iti Baguio-Benguet ket naipaay iti Pines State and Games Corporation.
Kinunana a nangrugi ti operasion ti STL iti Baguio City idi May 8, 2017 bayat a sadiay Benguet ket idi June 8, 2017.
Nagpalawag ni Dancel kasaruno ti pammilin ni PNP Chief General Archie Gamboa a panakaipasardeng ti amin a kita ti iligal a sugal.
Kinunana a nalaka a mabigbig dagiti otorisado a kolektor ti STL gapu iti uniporme ken ID dagitoy nga addaan iti barcode.
Innayon pay ni Dancel a maysa kadagiti pagsayaatan ti STL ti pannakaipaay ti binulan a kontribusion iti lokal a gobierno nga akin sakop iti daytoy.