--Ads--
BAGUIO CITY – Nakemmeg ti maysa a vendor gapu iti panagkolkolektarna ti taya ti ay-ayam nga small town lottery (STL) nga awanan ti umno nga otorisasyon manipud iti PCSO – Baguio Branch idi kanikadua.
Nabigbig daytoy a ni Melchor Tenaco Nuera, 49-anyos ken residente ti Celestial Village, Asin Road, Baguio City.
Nakemmeg daytoy kalpasan a naaktuwan nga agkolkolektar ti taya para iti STL iti nasao a lugar nga awanan pammalubos ti maseknan nga ahensia.
Nakumpiskar manipud iti suspek ti listaan dagiti nangabak, notebook a naglaon kadagiti taya, ballpen, resibo ti taya ken P430.
Nakasuan ti suspek iti panaglabsing ti Presidential Decree 1602 wenno ti illegal gambling.
