--Ads--
BAGUIO CITY – Nailatang ti P5 million a pondo para kadagiti benepisaryo a maawat iti Tulong Panghanapbuhay para sa Disadvantaged Worker (TUPAD) 2 program ti Tabuk City, Kalinga.
Sigun ken ni Department of Labor and Employment (DOLE-Kalinga) Head Avelina Manganip, maipaay ti temporaryo a panggedan kadagiti 800 a benepisaryo, no sadino, prioridad iti maikadua a rikos ti programa dagiti nagaplikar iti TUPAD-1 a saan nga naawat wenno naakomodar.
Agtrabaho dagiti maawat a benepisaryo iti uneg ti 15 nga aldaw kadagiti nagduduma a lokal a gobierno iti probinsia.
Nakalukaten ti online application ti nasao a programa para kadagiti informal workers iti nasao nga lugar.
