--Ads--
Inyuswat ti Commission on Elections (Comelec) ti digital flatform a mangipalubos iti online filing ti local ken national candidates statements of contributions and expenditures (SOCEs).
Pinunduan daytoy ti gobierno ti Japan babaen ti grant nga aggatad iti ¥234 Million, wenno nasurok P91 Million.
Namnamaen met ni Comelec chairperson George Erwin Garcia nga aramaten daytoy dagiti kandidato intun sumaruno nga eleksyon.
Inlawlawag ni Garcia a nalaklaka ti digital flatform a SURI, agsipudta maisubmitir a dagos dagiti SOCE.
Sigun kenni Garcia, saan a kasapulan nga agturong iti Metro Manila wenno iti main office tapno laeng mangisubmitir kadagiti nasao a dokumento.
