Ita ti maudi nga aldaw iti online reactivation kadagiti nagnagan iti botante para iti 2025 Midterm Elections.
Nupay kasta, agtaltalinaed nga inton September 30, 2024 ti maudi nga aldaw ti personal a panagparehistro,panagpareactivate, ken panagpatransfer dagiti daduma pay a botante kadagiti Commission on Elections(COMELEC) offices kadagiti luglugar dagitoy.
Iti panakiuman ti Bombo Radyo kenni Atty.George Erwin Garcia,Chairperson iti Commission on Elections(COMELEC),naragsak nga imbinglayna a dumanonen ti agarop 3million ti bilang dagiti kabarbaro a botante a nagparehistro iti intero a pagilian.
Iti sabali a bangir, naliday nga imbinglayna a dumanon met iti 5.37 million ti bilang dagiti nadeactivate a nagan dagiti botante a saan a nagbotos iti 2022 National Elections ken iti 2023 Barangay Elections.
Sigun kenni Atty. Garcia,saandan nga ilaylayon ti registration gaputa atiddogen ti panawen nga impaayda para iti daytoy.
Maipalagip a nangrugi ti voter registration idi February 2, 2024 nu sadino,naiyimplimintar dagiti nagduduma a wagas iti panang-akomodar kadagiti agparehistro kas iti Satellite Registration ken ti Register Anywhere Program a nagleppas idi ngudo ti Agosto.//Bombo Rob Dominguez
