--Ads--
Balligi a naipatungpal ti pannakailukat ti maikadua a Congressman Eric Go Yap Congressional Cup 2024 idiay Benguet Sports Complex, Wangal, La Trinidad idi laeng kalman.
Daytoy a kompetisyon ket pinassetan dagiti nagduduma a bunggoy ti sangapulo ket tallo a munisipyo ti Benguet a pakairamanan ti Atok, Bakun, Bokod, Buguias, Itogon, La Trinidad, Kabayan, Kibungan, Kapangan, Mankayan, Sablan, Tuba, ken Tublay.
Ti Congressional Cup ket inorganisa ti Media for Sports Development ken ti opisina ni Congressman Yap.
Dagiti ay-ayam a paglalabanan dagiti nagduduma a bunggoy ket basketball ken volleyball.
Sigun kenni Congressman Eric Go Yap, adu dagiti baro a pagalagadan ita a kompetisyon.
Maysa kadagitoy ti pannakainnayon ti ay-ayam a volleyball.
