--Ads--
Inwaragawag ti “federal agencies” idiay Washington ita nga aldaw a naisublin ti operasion ti Port idiay Baltimore para iti “comercial maritime transit”.
Kasaruno ti pannakaikkat ti 50,000 a tonelada a rugit manipud iti pannakarba ti Key Bridge idi Marso 26.
Maipalagip a naibangga ti cargo ship Dali iti Francis Scott Key Bridge idi Marso idiay Baltimore a nakatayan ti innem nga indibidual.
Iti resulta manipod iti U.S. Army Corps of Engineers, nasertipikaran a natalged ti karayan para iti panagbiahe ken kinunada a ti Fort McHenry Federal Channel ket naisubli iti orihinal nga “operational dimension” a 700 feet ti kalawana ken 50 feet ti kaunegna.
