Nakemmeg ken naipasidong iti home detention ti Filipina nurse a naakusaran iti agarup $1-billion healthcare fraud scheme sadiay Estadus Unidos.
Maipalagip nga idi June 18, 2026, impaulog ti federal court sadiay Texas ti arrest warrant kontra kenni Marizel Yukee gapu iti multiple fraud-related charges.
Maibasar iti court documents, naarestar ni Yukee sadiay Houston, Texas idi June 22,2026.
Naiturong daytoy kenni US Magistrate Judge Yvonne Ho ti United States District Court, Southern District of Texas, Houston Division para iti inisyal a panagparangna ken pannakaidarumna.
Sumangsango ni Yukee iti kasao mainaig iti conspiracy to commit wire fraud, healthcare fraud, transactional money laundering, conspiracy to defraud the United States, ken panangidiay, panagbayad, panagkiddaw, ken panangawat kadagiti healthcare kickbacks.
Kabayatanna, pinatgan ti conditional release bayat a maur-uray ti panagdengngeg.
Iti baet dayta, agtalinaed iti sidong ti home detention kalpasan a nagbayad iti $600,000-secured bond ken $400,000-unsecured bond.//mp4
