Pormalen a nagleppas ti operasyon ti Independent Commission for Infrastructure (ICI) idi Martes, March 31.
Daytoy ket kalpasan ti innem a bulan a panangimbestigarda iti naanomalyaan a flood control projects iti pagilian.
Mainaig iti dayta, naisayangkat ti farewell party a dinar-ayan dagiti sigud nga ICI members a pakairamanan ni ex-Department of Public Works and Highways Secretary Rogelio Singson ken auditor Rosanna Fajardo.
Sigun kenni Singson, naarid dagiti rumbeng nga aramidenda ken naipaiman iti Office of the Ombudsman dagiti amin a dokumento.
Impeksa met ni ICI chairperson retired Justice Andres Reyes, Jr. a mapnekda kadagiti naaramidanda.
Kabayatanna, patien ni Batangas Congressman Leandro Leviste a naputed ti imbestigasion ti ICI.
Kinaritna pay ni President Ferdinand Marcos Jr. a mangiruar iti maudi a report ti ICI.
Sigun met iti Department of Justice (DOJ), manarimaan ti panangrepasuda kadagiti dokumento nga insubmitir ti ICI.
Innayon ti nasao nga ahensia a ti laeng ICI ti makairuar iti maudi a report.
