Patien ni House trial spokesperson ken impeachment adviser Robert Ace Barbers a ti statement seknan maipanggep iti “Operation Romanov” ken sigud nga Italian dictator a ni Benito Mussolini ket mabalin a mangipasimudaag iti pudno a pangta kontra kenni President Ferdinand Marcos, Jr. ken iti First Family.
Innayon na nga umannamong metlaeng daytoy iti nagbalin nga interpretasyon ni sigud nga NBI Director Jaime Santiago no sadino impettengna a ti panangdakamat iti nasao nga operasyon ket mabalin nga ikonsidera a pangta iti First Family.
Pinasingkedan na metlaeng ti nagbalin a testimonya ni NBI Regional Director Jeremy Lotoc a mangibagbaga nga ada ti umdas a basaran ti NBI tapno irekomenda ti talo a kaso ti grave threat ken maysa a kaso nga inciting to sedition kontra kenni VP Sara Duterte.
Sigun iti prosekusyon, napateg a maipresenta dagiti ebidensya tapno maamuwan nu rumbeng pay laeng ng agtalianed iti puwesto ti bise presidente kalpasan iti inaramidna a panagpangta. //bombokaren.c.sapirao
