BAGUIO CITY–Naka-blue alert latta ti operations center ti Cordillera Regional Disaster Risk Reduction and Management Council (CRDRRMC).
Sigun iti Franzes Ivy Carasi, information officer ti Office of the Civil Defense–Cordillera, daytoy ket gapu pay laeng iti epekto ti habagat iti rehion ken ti posible nga epekto dagiti Low Pressure Areas a nasaripatpatan ti Pag-asa.
Sigun iti OCD-Cordillera, gapu iti agtultuloy a panagtudo ket suspendido latta ti trekking activities iti nagduduma a bantay sadiay Benguet kas iti Mount Ulap, Mount Pulag ken Mount Purgatory.
Maibasar iti statement ti ahensia, suspendido met laeng dagiti tourism activity sadiay Aran Cave sadiay Tuba, Benguet.
Agpalpalagip latta ti OCD-Cordillera kadagiti umili para iti panagannad dagitoy nangruna kadagiti motorista.
Ibalbalakad latta ti ahensia ti panangliklik dagiti motorista iti Kennon Road gapu iti panagreggaay ti daga ket batbato sadiay.
