Inwaragawag ni Senate President Francis Escudero nga agsagsaganan ti Senado para iti mandatory drug testing sipud idi March 2025.
Daytoy ti kinuna ni Escudero kalpasan nga insingasing ni Senate Minority Leader Vicente Sotto III ti drug testing kalpasan ti alegsion kontra iti aktress ken political affairs officer ni Senator Robin Padilla a ni Nadia Montenegro.
Naakusaran ni Nadia a nagsigarilio ti marijuana iti Senate building no sadino, dagus a pinaglibakanna daytoy.
Kabayatanna, impeksa ni Escudero a supurtado daytoy iti mandatory random drug testing para kadagiti amin nga opisial ken empleado ti Senate Proper ken Senate Secretariat ti 20th Congress.
Inlawlawag ti nasao a Senador nga adda ti memorandum of agreement ti Senado ken ti East Avenue Medical Center, National Reference Laboratory for Environmental Occupational Health, Toxicology, and Micro-nutrient Assay idi March 2025 tapno isayangkatda ti testing kadagiti amin a senate official ken empleado.
