Patien ni Senator Risa Hontiveros a posible nga opisial iti Gobierno ti timmulong iti naarestar a POGO “big boss” a ni Lin Xuhan wenno pagaammo kas Lyu Dong iti panakaaramid iti network daytoy iti pagilian a Pilipinas.
Iti baet a nakemmeg ti nasao a “big boss” ti POGO, nagballag ni Hontiverso kadagiti otoridad nga agtalinaed a naridam, nangruna ita a posible a karaman ti opisial iti gobierno.
Sigun pay kenni Senator Joel Villanueba, saan pay a nagleppas ti trabaho dagiti Presidential Anti-Organized Crime Commission (PAOCC) kalpasan ti balligi a pannakakemmeg ti “big boss” agsipudta saan dagitoy nga agsardeng agingga a saan a napaikkat ti POGO iti pagilian.
Kabayatanna, napatibker pay ti ebidensia iti pakainaigan ni dismissed Bamban Mayor Alice Guo iti iligal a Philippine Offshore Gaming Operations kalpasan ti inquest proceedings kadagiti sangapulo ket tallo a Chinese Nationals pakairamanan ni Lyu Dong a nabigbig kas “godfather” dagiti POGO iti pagilian.
