Impeksa ni Intellectual Property Office of the Philippines Director General Rowel Barba ti namnamana a maipasa ti linteg a manglapped kadagiti site nga addaan ti pirated contents sakbay ti 2025 election.
Para kenkuana, iti kanito a maipasa ti gakat, masuportaran ti panagdur-as dagiti artista ken masalakniban dagiti Pilipino manipud kadagiti pangta ti cybersecurity.
Sigun kenkuana, ti naisingasing nga addang ket rumbeng a maipasa nu sadinno dinakamatna ti panagbaba ti “share” wenno bingay ti nasao a sektor iti Gross Domestic Product ti Pilipinas iti agdama a tawen— manipod iti 7.5% idi 2019 agingga iti 7.1% idi 2023.
Iti agdama, sumagmamano a “site-blocking measures” ti nakasagana iti Kongreso, pakairamanan ti House Bill 7600 ken Senate Bills 2150 ken 2385, 2645 ken 2651.
