Opisyal a naalaan iti ladawan nga agbuybuya iti e-sabong, nakasagaan a maki-cooperate iti imbestigasyon iti House Committee on Ethics

Impetteng ni AGAP Party-list Rep Nicanor Briones a situtulok daytoy a sumango iti imbestigasyon iti House Committee on Ethics kalpasan a naalaan daytoy iti ladawan nga agbuybuya iti e-sabong bayat ti session dagitoy.

Kinunana a no kasapulan a maimbistigaran daytoy ket nakasagana a sumango agsipud ta kinunana nga awan ti ilemlemmengna.

Immunan met nga inlawlawagna a nailukatna laeng ti nasao a video gaputa impatulod daytoy ti kabagyanna a mang-al-allukoy nga agsponsor iti sabong.

Nupay kasta, maur-uray paylaeng no anya ti desisyon ti House Committee on Ethics.