Naipasidong iti orange rainfall warning iti Sabado ti rabii, July 19 ti Metro manila ken lima a probinsia iti Luzon, gapu iti southwest monsoon sigun iti weather bureau.
Maibasar iti bulletin nga impaulog ti Philippine Atmospheric, Geophysical and Astronomical Services Administration (Pagasa) iti 8:30 p.m. ti Sabado, July 19, 2025, 15 agingga 30 millimeters a rainfall ti posible a mapasaran iti uneg ti sumaruno a tallo nga oras iti Metro Manila, Bataan, Bulacan, Zambales, Pampanga ken Rizal.
Nagpakdar pay ti Pagasa a napeggad pay laeng ti layus kadagiti lugar nga adda iti sidong ti orange rainfall warning.
Kabayatanna, yellow warning level ti forecast sadiay Tarlac, Nueva Ecija, Cavite, Batangas, Laguna.
Posible a makapasar dagitoy iti 7.5 agingga 15 millimeters a tudo iti uneg ti sumaruno a tallo nga oras ken posible a mapasaran ti panaglayus kadagiti flood-prone areas.
