Indeklara ti Korte Suprema iti maysa a desision a saan a maawan ti karbengan kas nagannak dagiti Overseas Filipino workers (OFW) kadagiti annakda uray addada idiay ballasiw-taaw.
Iti tallo pulo ket maysa a panid ti desision ti SC Second Division, naipaay iti maysa nga OFW ti sole custody kadagiti nagannak ti menor de edad, nga addaan ti provisional custody para iti lola dagiti ubbing nga adda iti Pilipinas.
Sigun iti korte, nagsina ti agassawa idi tawen 2017, ken immanamong a maaddaanda ti joint custody kadagiti annakda.
Napanawan dagiti ubbing babaen iti panangtaripato ti ama idi pimmanawa ti babai nga asawa tapno agtrabaho idiay France.
Agingga a naamian ti asawa a babai a pimmanaw ti asawana a lalaki ken napanawan iti dadduma a tao ti anakda a saan a nagpakada kenkuana.
Sigun iti korte, inala ti asawa a babai ti anakda ken pinanawanna iti lola dagiti ubbing.
Agingga a nangipila ti petision ti asawa a lalaki ti habeas corpus tapno maala ti kostodia ti annakda.
Impaganetget ti asawa a lalaki a rumbeng a maipaay kenkuana ti anakda, ken saan nga iti lola gaputa awan iti Pilipinas ti asawana a babai dagiti ubbing.
Impaay ti Regional Trial Court iti ina ti exclusive parental authority ken permanent custody kadagiti ubbing.
Nupay kasta, adda latta ti karbengan ti ama kadagiti annakda a bumisita kadagitoy.
