--Ads--
Posible a ma-cite in contempt ni Office of the Vice President chief of staff Zuleika Lopez iti kanito a saan nga agtumpal iti subpoena nga impaulog ti Senate impeachment court.
Sigun kenni Impeachment court spokesman Regie Tongol, dagiti witness a pinaayaban ti korte ken kasapulan nga agtungpal iti subpoena, malaksid laeng kadagiti rason a bigbigen ti Rules of Court.
Nupay kasta, kinuna ni Tongol nga ipaayan pay nga umuna ti korte ni Lopez iti oportunidad nga ilawlawag dagiti rason no apay a saan a dumar-ay.
Sukimaten daytoy ti korte no valid ti rasonna iti saanna a panagparang.
Maipalagip a naipaulog ti subpoena kenni Lopez idi Huebes a mangibilin kenkuana nga agparang iti impeachment court inton Hulio 13 ken 14.
