Kidkidawen ti Overseas Workers Welfare Administration (OWWA) kadagiti kabagyan,pamilya ken gagayem dagiti overseas Filipino workers (OFWs) nga adda sadiay Lebanon nga allukoyenda dagitoy nga agsubli iti pagilian a Pilipinas kasaruno ti bumarbara a giyera iti nagbaetan dagiti militante a Hezbollah ken dagiti Israeli forces.
Sigun kenni Department of Foreign Affairs Undersecretary Eduardo de Vega, agarup sangaribo a Pilipino sadiay Lebanon ti nangiyebkas iti tarigagayda nga agsubli iti pagilian gapu iti mapaspasamak nu sadino immunan a narepatriate dagiti 356 nga indibidual.
Maibasar iti datos, dumanon iti 11-K a Pilipino ti adda sadiay Lebanon ken daduma kadagitoy ket undocumented.
Maipalagip nga immuna a nangiparuar ti Philippine Embassay sadiay Lebanon ti advisory idi Biyernes maipapan iti panaka-allukoy dagiti Pilipino nga agsubli iti pagilian bayat a nakalukat pay dagiti airport.
Kabayatanna, dagiti daduma a Pilipino ket mabalin nga ag-evacuate kadagiti nataltalged a lugar kas iti Beirut, South Lebanon, ken Bekaa Valley.
Iti agdama, addan iti alert level 3 ti sitwasyon sadiay Lebanon nu sadino maipatpatungpal ti voluntary repatriation kadagiti Pilipino nga adda sadiay.
