--Ads--
BAGUIO CITY – Agtultuloy ti nairtengan nga operasyon ti PDEA-Cordillera ken Cordillera Police iti panakadalus ti rehiyon manipud iti iligal a droga.
Paset ti kampanya ti dua nga aldaw a marijuana eradication operation nga insayangkatda idi Enero 27-28 sadiay Buscalan, Tinglayan, Kalinga.
Nagresulta daytoy iti panakaparut ken panakauram ti dumanon P2.32-M a gatad dagiti pinuon ti marijuana.
Bukbuklen daytoy ti agarup nasurok 11,600 a pinuon ti marijuana plants a naimula iti mapattapatta a 1,100 metro kwadrado.
Nupay kasta, awan ti natiliw a cultivator kabayatan ti operasyon.
Naisayangkat ti operasyon iti sidong ti OPLAN LINIS BARANGAY XX a paset ti Barangay Drug Clearing Program ti PDEA-Cordillera.
