Inlawlawag ni House of Representatives Secretary General Reginald Velasco nu apay a dumanon iti P20 million ti nailatang a pondo para iti maikatlo nga State of the Nation Address (SONA) ni President Ferdinand Marcos Jr. intonn July 22, 2024.
Sigun kenni Velasco a ti nasao a pondo ket mausar para kadagiti “food expenses” a pakairamanan dagiti food and beverages kadagiti amin a personnel, para iti uniporme dagiti agarup dua a ribo a Secretariat employees (tallo a set a uniform tunggal empleyado), para iti security expenses, equipment rental expenses, potted plants ken flowers, para kadagiti Inter-agency coordination meetings dagiti nagduduma a departments ken agencies, ken daduma pay nga incidental expenses.
Sigun kenni Velasco, ti nasao a pondo para iti maikatlo a State of the Nation Address (SONA) ket estimate pay laeng ken saan pay a naaramat amin bayat a buklen ti a budget dagiti amin nga essential expenses a nangrugi idi Marso 12, 2024 manipud nabukel ti State of the Nation Address (SONA) Task Force.
Inyunay-unay met ni Velasdo a ti budget para iti State of the Nation Address (SONA) ket maaramat a nasayaat nu sadino impasiguradona iti publiko a “committed” daytoy iti transparency kasta met nga addaan daytoy iti responsibility iti panagusar kadagiti public funds.
“I want to assure the public that we are committed to transparency and responsibility in spending public funds. Every peso allocated for the SONA is carefully scrutinized and managed to reflect the significance of this constitutionally mandated event while being conscious of public sentiments regarding the use of taxpayers’ money.”
House of Representatives Secretary General Reginald Velasco
