Balligi a naiyuswat ti “P20 Rice Project Benteng Bigas Meron na! iti compound ti Department of Agriculture sadiay Guisad, Baguio City itay agsapa, July 16, 2025.
Agdagup iti 750 a supot iti sag-sangapulo a kilo tunggal nailako kadagiti vulnerable sectors kas iti senior citizens, persons with disabilities, solo parent, ken iti 4Ps beneficiaries.
Daytoy ket nagnumaran dagiti umuna a batch ti 750 a benefeciaries manipud iti barangay Guisad Proper, Andres Bonifacio, Pinsao Pilot, Pinsao Proper ken Guisad Surong.
Gapu iti dayta, naragsakan dagiti sumagmamano a nakagatang iti daytoy.
Sigun iti maysa a benefeciary, kinunana a dakkel a tulong ti nasao a programa gaputa nakatipid dagitoy.
Kinunana nga imbes a ti igatangda iti maysa a kaban ti bagas manipud kadagiti commercialized ket igatangda laengen iti dadduma pay a kasapulan dagitoy nangruna dagiti addaan iti kabalay dagitoy na-stroke.
Namnamaen met dagitoy nga agtultuloy ti nasao a programa tapno ad-adu pay ti matulongan.
Kabayatanna, manamnama nga addan to met ti schedule para kadagiti dadduma a barangay wenno iti kadiwa store.//Bombo Noveh Organo
