BAGUIO CITY – Dumanon iti P200,000 ti balor ti marijuana a pinarut dagiti otoridad idiay Sitio Tanap, Brgy. Tacadang, Kibungan, Benguet idi Hunyo 8.
Nakamula ti 1,000 a pidaso ti fully grown marijuana plants iti 200-sqaure meter a kalawa ti daga iti maysa a communal forest iti nasao a lugar.
Dagus a nadadael ti nasao a bula kalpasan ti umno a dokumentasyon.
Naala metlaeng ti sample para iti qualitative test iti opisina ti Regional Forensic Unit – Cordillera.
Daytoy ket babaen iti marijuana eradication nga insayangkat ti Cabalyero cops ti Benguet Police Provincial Office (PPO) ken daduma pay a yunit ti ahensiya.
Kabayatanna, agtultuloy ti imbestigasyon ti Kibungan Municipal Police Station para iti panakaduktal ti daduma pay a plantation locations ken para iti panakatiliw dagito cultivators.
