--Ads--
BAGUIO CITY -Dinadael dagiti otoridad ti rinibribo a puon ti marijuana iti insayangkatda nga eradication operation sadiay Tabaaw, Poblacion, Kibungan, Benguet idi kalman.
Nadiskobre dagiti nasao nga iligal a mula iti nagsina a pagmulaan nga addaan kalawa a 220 square meters a masarakan iti maysa a communal forest.
Nadiskobre iti umuna a pagmulaan ti agarup nasurok 750 a pidaso ti dadakkel a marijuana plants bayat a nadiskobre iti maikadua a pagmulaan ti agarup nasurok 350 a pidaso ti dadakkel a marijuana plants.
Aggatad amin iti P220-K dagiti naparut ken nauram nga iligal a mula.
Nupay kasta, awan ti natiliw a cultivator kabayatan ti nasao nga operasyon.
